Thursday, February 17, 2011

രോമാഞ്ച പുളകിതമായ ഒരു ദുബായ് യാത്ര !!!!



ഹാവ് ..അത് ഓര്‍ക്കുമ്പോള്‍ തന്നെ മനസ്സില്‍ രോമാഞ്ചം വിരിയുന്നു. 4/2/2011 വെള്ളിയാഴ്ച സമയം 7 AM .  മനസ്സിലാ മനസ്സോടെ കിടക്ക വിട്ടു എഴുന്നേറ്റു.പതിനഞ്ചു മിനിട്ടിനുള്ളില്‍ പ്രഭാത കൃത്യങ്ങള്‍ എല്ലാം ചെയ്തു തീര്‍ത്തു .വെള്ളത്തിനു ഭയങ്കര തണുപ്പ് .കുളിക്കാനോ എന്ന് ഒരു വട്ടം ചിന്തിച്ചു ..വെള്ളിയാഴ്ച എങ്ങിലും കുളിക്കാതെ ഇരുന്നാല്‍ മോശമല്ലേ എന്ന് കരുതി തണുത്ത വിറങ്ങലിച്ച വെള്ളത്തില്‍ ഒരു കാക്ക കുളി കുളിച്ചു..
പെട്ടന്ന് ഡ്രസ്സ് മാറി. കുറച്ചു ക്രീം അവിടെയും ഇവിടെയും വാരി പൊത്തി .ഗ്ലാമ്മര്‍ വര്‍ദ്ധിച്ചു ഉണ്ടാകും   എന്ന് സമാധാനിച്ചു  കണ്ണാടിയില്‍ നോക്കി എല്ലാം ഉറപ്പു വരുത്തി ..നേരെ പട്ടാണി വാനില്‍ അബുദാബി ബസ്സ്‌ സ്റ്റാന്റിലേക്ക്


ഓ എന്റമ്മോ എന്തൊരു വലിയ ക്യു .ജനശതാബ്ദി എക്സ്പ്രസ് ബോഗി പോലെ നീണ്ടു നേര്‍ന്നു കിടക്കുന്ന ലൈനിറെ അറ്റത് ഞാനും  പോയി നിന്നു  .. മുന്നില്‍  ഉള്ളവരെല്ലാം കൂടി മൂന്നു ബസ്സുകളിലായി കയറി പോയി .എനിക്ക് നാലാമത്തെ ബസ്സാണ് കിട്ടിയത് ..ബസ്സില്‍ കയറിയ ഉടനെ തന്നെ ഞാന്‍ പതിവ് തെറ്റിച്ചില്ല .ലേഡീസ്‌ സീറ്റിന്‍റെ പിന്‍വശത്ത് കയറി ഇരുന്നു (  ഫാമിലി സീറ്റ് )മുന്നില്‍ കുറെ ഫിലിപെനി സുന്ദരികളും കറുത്ത് തടിച്ച രണ്ടു കാപ്പിരികളും .പെട്ടന്ന് ഒരു ഉമ്മയും മകളും കയറി വന്നു ..എന്റെ വലതു വശത്തെ സീറ്റില്‍ ഇരുന്നു .ആശ്വാസമായി ഞാന്‍ ആശിച്ച പോലെ തന്നെ ,ഒറ്റക്കിരുന്നു വെറുതെ ബോര്‍ അടിക്കണ്ടല്ലോ .അവളെ നോക്കിയിരുന്നു സമയം കൊല്ലാമല്ലേ എന്ന് ഞാനും കരുതി .


അവള്‍ ഒന്ന് തിരിയുന്നതും കാത്തു ഞാന്‍ അവളുടെ സീറ്റിലേക്ക് തന്നെ നോക്കി ഇരുന്നു ...അവള്‍ ഉമ്മയോട് എന്തെല്ലമേ പറഞ്ഞു ചിരിക്കുന്നു ..പെട്ടന്ന് അവള്‍ ഞാന്‍ ഇരിക്കുന്ന ഭാഗത്തേക്ക് നോക്കി ..കൊടുത്തു ഞാന്‍ ഒരു സൈറ്റ്‌ ..മറക്കാന്‍ പറ്റുമോ നമുക്ക് നമ്മുടെ  സ്വഭാവം .മുഖം തിരിക്കും എന്നാണ് ഞാന്‍ കരുതിയത്‌ ..പക്ഷെ അവക്കൊരു കൂസലും ഇല്ല ..അവളുടെ ചുണ്ടില്‍ പുഞ്ചിരി വിരുയുന്നത് ഞാന്‍ കണ്ടു ,,വശ്യമായ പുഞ്ചിരി .എന്റമ്മോ ,സഹിക്കാന്‍ കഴിയുന്നില്ല അവളുടെനുണകുഴി വിരിയുന്നു .ഞാന്‍ സീറ്റില്‍ ചാരി ഇരുന്നു .


.സുറുമയിട്ട കണ്ണുകളിലെ തിളക്കം എന്നെ ഒരു മായ ലോകത്തേക്ക് കൂട്ടി കൊണ്ട് പോയി ... അവള്‍ വീണ്ടും തിരിഞ്ഞു നോക്കി ഞാന്‍ ഞാന്‍ കണ്ണുകള്‍ കൊണ്ട് അവളെ എന്നില്ലേക്ക് ക്ഷണിച്ചു .......പെട്ടന്നതാ അവള്‍ എന്‍റെ സീറ്റില്‍ വന്നു ഇരുന്നു  ..എന്‍റെ ഹൃദയത്തില്‍ സന്തോഷത്തിന്റെ ആയിരം അമിട്ടുകള്‍ പൊട്ടന്‍ തുടങ്ങി .അമിട്ടു മാത്രം അല്ല ഭയത്തിന്റെ വൈക്കോല്‍ കൂനയും കത്താന്‍ തുടങ്ങി .


ഞാന്‍ ചുറ്റും ഒന്ന് നോക്കി ആരെങ്ങിലും നങ്ങളെ നോക്കുന്നുണ്ടോ എന്ന് .ഓ ഇത് കേരളം അല്ലല്ലോ .ഒരാണും പെണ്ണും ഒപ്പം ഇരുന്നത് കൊണ്ട് സംശയത്തോടെ നോക്കാന്‍ .അവളുടെ മുടിയുടെ കുറച്ചു ഭാഗം ഇളം കാറ്റില്‍  എന്‍റെ മുഖത്തേക്ക് വന്നു വീണു ..വാഹ് അതിന്റെ സുഗന്ധം എന്‍റെ കണ്ട്രോള്‍ തകര്‍ക്കുമോ എന്ന് ഞാന്‍ പേടിച്ചു .ഇവരൊക്കെഏതു തരം പെര്ഫ്യും ആണ് ഉപയോഗിക്കുന്നത് പരസ്യങ്ങളില്‍ കാണും പോലെ തന്നെ ..മനുഷ്യന്മാരെ മയക്കാന്‍ നടക്കുന്ന സുഗന്ധം പൊഴിക്കും ഹൂറികള്‍ ..


.പേര് രഹന .നാട് കോഴിക്കോട് ..ഫാമിലി നാലഞ്ച് വര്‍ഷമായി ദുബായില്‍ തന്നെയാണ് ..അബുദാബിയില്‍ ഉള്ള ജേഷ്ട്ടതിയുടെ അടുത്ത് നിന്നും തിരിച്ചു പോകുകയാണ് ..അവളുടെ ഓരോ വാക്കുകളും എന്റെ മനസ്സില്‍ തേന്‍ തുള്ളിയായ്‌ പതിച്ചു കൊണ്ടിരുന്നു ...ഞാന്‍ ആദ്യമായി അബൂദാബിയിലെ റോഡുകളെ ശപിച്ചു ..ഒരു കുണ്ടും കുഴിയും ഒന്നും ഇല്ലാത്ത റോഡുകള്‍ ..നാട്ടിലെ പോലെ കുണ്ടിലും കുഴിയിലും വീണു ബസ്സ് ഒന്ന് ആടി ഉലയുമ്പോള്‍ ഒരു സ്പര്‍ശനം എങ്കിലും കിട്ടിയേനെ ..എങ്ങിലും അവളുടെ സംസാര പ്രിയതയില്‍ മുഴുകി ഞാനും ഓരോന്ന് പറഞ്ഞു കൊണ്ടേ ഇരുന്നു ..


പെട്ടന്ന് ശരീരം മുഴുവന്‍ ഒരു കോരിതരിച്ചില്‍ ..അവളുടെ കൈ എന്‍റെ കൈകളില്‍ സ്പര്‍ശിച്ചു ..ശരീരത്തിലെ രോമങ്ങള്‍ എല്ലാം എഴുന്നേറ്റു  നിന്ന്  അവളുടെ സ്പര്‍ഷനത്തെ സ്വാഗതം ചെയ്യാന്‍ തുടങ്ങി ..ഹൃദയമിടിപ്പിന്നു ശക്തിയേറി ..ഒന്നിച്ചു അലിഞ്ഞു ഒഴുകാന്‍ കൊതിക്കുന്ന രണ്ടു നദികളെ പോലെയായി നങ്ങളുടെ അവസ്ഥ ..പതിയെ പതിയെ അവള്‍ എന്റെ വലത്തേ തോളിലേക്ക് ചാഞ്ഞു ..അവളുടെ ചുടു ശ്വാസം എന്റെ സിരകളെ മത്തു  പിടിപ്പിച്ചു തുടങ്ങി  ..മണിച്ചിത്ര താഴിട്ടു പൂട്ടിയ എന്റെ കണ്ട്രോള്‍ തകര്‍ന്നു തരിപ്പണമായി..പരിസര ബോധം ഞങ്ങള്‍ പാടെ മറന്നു .. അവളുടെ രണ്ടു കവിളുകളും എന്റെ കൈ കുമ്പിള്‍ ഞാന്‍ കോരി എടുത്തു .വിറയാര്‍ന്ന എന്‍ ചുണ്ടുകള്‍ അവളെ പുല്‍കാന്‍ കൊതിക്കുന്നു .


ര്‍ണീം ..ര്‍ണീം ..ര്‍ണീം ..ര്‍ണീം


പെട്ടന്ന് എന്‍റെ ഒരു അപായ സിഗ്നല്‍ എന്നാ പോലെ എന്‍റെ മൊബൈല്‍ കിടന്നു അലറാന്‍ തുടങ്ങി ..പണ്ടാരം ഈ സമയത്ത് ആരാ സ്വര്‍ഗത്തിലെ കട്ടുറുമ്പായി എന്ന് കരുതി ഞാന്‍ ഞാന്‍ ഫോണ്‍ എടുത്തു .


.""ഹലോ അളിയാ ..എവിടെ എത്തി "....അപ്പോഴാണ്‌ എനുക്ക് പരിസര ഭോധം വന്നത് .
.""അത് പിന്നെ .ഞാന്‍ നോക്കട്ടെ""


.ഞാന്‍ പുറത്തേക്കു നോക്കി ..രണ്ടു മൂന്നു പേര്‍ പുറത്തേക്കു നോക്കി ഫോട്ടോ എടുക്കുന്നു ..ഞാനും ഒന്ന് എത്തി നോക്കി .


.""ഓ ബുര്‍ജു ഖലീഫ എത്തി ..ഞാന്‍ ഇതാ ഇപ്പോള്‍ എത്തും അളിയാ ..സ്റ്റാന്റില്‍ എത്തിയാല്‍ ഞാന്‍ വിളിക്കാം "".


ഞാന്‍ വേഗം ഫോണ്‍ കീശയില്‍ ഇട്ടു എന്‍റെ അടുത്ത് ഇരിക്കുന്ന തരുണീ മണിയെ നോക്കി ..ഹേ .അവള്‍ എവിടെ ?ഇത്ര പെട്ടന്ന് എവിടെ പോവാന്‍ ..അവള്‍ക്കു പകരം ഒരു വയസ്സന്‍ ഫിലിപ്പെനി എന്‍റെ പാതി സീറ്റില്‍ ഇരുന്നു മയങ്ങുന്നു ..ഞാന്‍ കണ്ണ് ഒന്ന് കൂടി തിരുമ്മി നോക്കി ..ദൈവമേ ഇതെല്ലം സ്വപ്നം ആയിരുന്നോ ..എന്‍റെ രഹ്നയും   ഉമ്മയും എന്തെല്ലംമോ പറഞ്ഞു ചിരിച്ചു കൊണ്ട് അവരുടെ സീറ്റില്‍ ഇരിക്കുന്നു  ..


.നൂല് പൊട്ടിയ പട്ടം പോലെ ഞാന്‍ എന്‍റെ  സീറ്റില്‍ കുഴഞ്ഞു വീണു ...ദൈവമേ ആ നേരത് അളിയന്‍ വിളിചില്ലങ്ങില്‍ ഈ ബസ്സില്‍  "ഏകാഭിനയ  രതി ക്രീഡകള്‍ "നടന്നേനെ .....


കിട്ടിയ രോമാഞ്ചവും പൊറുക്കി എടുത്തു ഞാന്‍ അളിയന്റെ കൂടെ അമ്മോസന്‍റെ റൂം ലക്‌ഷ്യം വെച്ച് നടന്നു ...........

No comments:

Post a Comment