ജീവിത യാത്ര ..

()..    ഈ യാത്ര എന്ന് ?  എവിടെ ? എപ്പോള്‍ ?

അറിയില്ലെനിക്ക് ...നേടാന്‍ കഴിയുമോ എന്‍ ജീവിതലക്‌ഷ്യം ?!!!

കണ്ണെത്താ ദൂരത്തു കാണുന്നു ഞാന്‍ ആ സത്യം .

എല്ലാവരും കാണുന്ന മരണമെന്ന സത്യം ..

തിന്മയെ ചവിട്ടി ഞാന്‍ നന്മയെടുക്കട്ടെ

കണക്ക് പറയാന്‍ ഹാജരാകും മുമ്പ്‌   ..




()..    അങ്ങ് ദൂരെ  ഒരു  താളം കേള്‍ക്കുന്നുവോ  ....

ശാന്തമാം മനസ്സാല്‍ തിരിച്ചറിയുവീന്‍ ....

കൊഴിഞ്ഞു പോയി കൊണ്ടിരിക്കും  സമയത്തിന്‍റെ മൂല്യമോ ?

അടുത്ത് കൊണ്ടിരിക്കും മരണത്തിന്‍ ഹൃദയ താളമോ ?



() ..      എന്‍റെ മോഹങ്ങലാണത്

അനന്തമാം വിഹായസ്സിനില്‍ പരന്നു കിടക്കുന്നത്

ഒരു കാറ്റ് വീശും ..എന്‍ സ്വപ്‌നങ്ങള്‍ സഫലമാകും ..

മഴതുള്ളി കൊണ്ടെന്‍ ഹൃദയം കോരിതരിക്കും ..

നീലാകാശം  പോലെ എന്‍ ഹൃദയം ശുദ്ധിയാകും

നന്മതന്‍ പ്രകാശം എങ്ങും ചൊരിയും ഞാന്‍ .....

കണ്ടപ്പോള്‍ ഇഷ്ട്ടം തോന്നി .

എന്റെ കണ്ണുകള്‍ അവളില്‍ ഉടക്കി നിന്നു
.

ഒരു ഉമ്മ തരുമോ എന്ന് ഞാന്‍ ചോദിച്ചു .

ഒന്നും പറഞ്ഞില്ല ...ഒരു പുഞ്ചിരി മാത്രം തന്നു എനിക്ക്

പുഞ്ചിരി ഒരു മൗനസമ്മതം ?? കൊടുത്തു ഞാന്‍ ഒരു ചുംബനം

മാര്ധവമാം മുഖത്തെ പുഞ്ചിരി മാഞ്ഞു

കണ്ണുനീര്‍ കുടഞ്ഞവള്‍ പൊട്ടി കരഞ്ഞു ..

ഇനി എന്ത് ചെയ്യണം ? ഞാന്‍ അങ്കലാപ്പിലായി !!

ഈ കരച്ചില്‍ ഒന്ന് നില്ക്കാന്‍  ?!!

എന്‍ ബാഗിനുള്ളിലെ കളിപ്പാവ എടുത്തു ഞാന്‍

അവളുടെ കണ്ണുനീര്‍ എങ്ങോ പോയ്‌ മറഞ്ഞു

പാവയെ മാറോടടക്കി പിടിച്ചു അവള്‍

തുരുതുരെ മുഖത്ത്  ഉമ്മ വെച്ചു ...

ത്യാഗം = അമ്മ

അമ്മ ...ത്യാഗത്തിന്റെ പ്രതീകം .ഊണും ഉറക്കവും ത്യജിച്ചു ,മഴയും വെയിലും കൊണ്ട് മക്കള്‍ക്ക്‌ വേണ്ടി മാത്രം ജീവിക്കുന്നവര്‍ .അമ്മമാര്‍ നമ്മെ വളര്‍ത്താന്‍ സഹിച്ച ത്യാഗം വാക്കുകള്‍ കൊണ്ട് വിവരിക്കാന്‍ കഴിയില്ല നമുക്ക് .തന്‍റെ വയറ്റില്‍ ഒരു കുരുന്നു പിറവി എടുക്കുന്നുണ്ട് എന്നറിയുന്ന നിമിഷം മുതല്‍ തുടങ്ങുന്ന വികാരങ്ങള്‍ നിലക്കില്ല കടലിലെ തിരമാലകള്‍ നിലക്കും വരെ .
അമ്മയുടെ  രക്തവും നീരും ഊറ്റി കുടിചാണ്  നാം വളര്‍നെതെന്നു മറക്കരുത് ഒരിക്കലും .നാം അവര്‍ക്ക് വേണ്ടി ചെയ്യുന്ന നന്മയൊന്നും തികയില്ല  
അവര്‍ ചെയ്ത ത്യാഗത്തിന്‍ പകരം വെക്കാന്‍ .
.................................................................................................................
( സ്വന്തം സൌന്ദര്യം നശിക്കും എന്ന് ഭയന്നു കുഞ്ഞിനു മുലപ്പാല് പോലും കുടിക്കാന്‍ കൊടുക്കാത്ത അമ്മമ്മാര്‍ ശ്രദ്ധിക്കുക ...നാളെ നിങ്ങളുടെ താമസം വൃദ്ധ സദനത്തില ആയേക്കാം ....മക്കള്‍ സ്നേഹിച്ചില്ല എന്ന് പറയരുത് ,മക്കള്‍ക്ക്‌ സ്നേഹം കൊടുക്കാതെ )
................................................................................................................

വേദന ..!!

ദൈവം തന്ന അനുഗ്രഹങ്ങളില്‍ ഒന്ന് മാത്രം

അറിയാത്തവര്‍ ആരുമില്ല വേദന തന്‍ ചുടു ചുംബനം

രൂപത്തിലും ,ഭാവത്തിലും വ്യത്യസ്തന്‍ എങ്കിലും

അറിയുന്നു നാം അതിനെ ദിനംപ്രതി എന്നോണം .

പ്രണയത്തിലും  ,പ്രസവത്തിലും

വിശപ്പിലും ,വിരഹത്തിലും .

മിന്നി മറയുന്നു വേദനതന്‍ പ്രതിരൂപങ്ങള്‍

വേദന ഇല്ലാത്ത ലോകമാണ് ഇതെങ്ങില്‍

അറിയാന്‍ കഴിയുമോ സ്നേഹത്തിന്‍ തീവ്രത ...

ദൈവത്തിനെ ഓര്‍ക്കാന്‍ ദൈവം തന്ന ഉപായം ..

പഴിക്കല്ലേ ഒരിക്കലും വേദനയാം അനുഗ്രഹത്തെ .....

സാരി ....

നാളെ ചെറിയച്ചന്റെ മോളെ കല്യാണമാണ് ..

സാരിയിലാ നീ സുന്ദരി എന്ന് ഞാന്‍

അല്ല ചുരിധാരിലാണ് എന്ന് അവളും

സാരി ധരിച്ചാല്‍ പ്രായം കൂടുമത്രേ

ഉള്ള പ്രായം അറിഞ്ഞോട്ടെ എന്ന് ഞാനും

പുതിയ ചുരിദാര്‍ ഇല്ലാതെ പുറത്തിറങ്ങില്ല എന്നവള്‍

ചുവന്ന സാരിയില്‍ നീ അതിസുന്ദരി എന്ന് ഞാനും

വാശിക്ക് നാശം എന്നവള്‍ ..അത് തന്നെ എന്ന് ഞാനും

അവസാനം എന്റെ വാശി ജയിച്ചു ..അവളുടെയും


നേരം പുലര്‍ന്നു .സൂര്യന്‍ രക്ത വര്‍ണമായി

ആ കാഴ്ച കണ്ടു എന്‍ കണ്ണിലും രക്തം പൊടിഞ്ഞു

ചുരിദാര്‍ അണിഞ്ഞു സാരിതുമ്പില്‍ തൂങ്ങി അവള്‍


തിരിയാത്ത ഫാന്‍ നോക്കി കറങ്ങി തിരിഞ്ഞു എന്‍ തല

വാശിക്ക് നാശം എന്നോതിഞാന്‍

കുഴഞ്ഞു വീണു അവളുടെ കാലിന്‍ ചുവട്ടില്‍ ..

കാത്തുനില്‍പ്പൂ ഞാന്‍ ...

എന്റെ ഏകാന്തതയ്ക്ക് തീ പിടിക്കുന്നു

എന്‍റെ മൗനം എന്നെ കാര്‍ന്നു തിന്നുന്നു

കൂടെ നിന്നവര്‍ക്കെല്ലാം കൂട്ട് കിട്ടി

ഞാന്‍ മാത്രം ഇവിടെ ഏകനായി

ഒരാള്‍ വരും എനിക്കായ്‌ എന്നെങ്കിലും

അത് വരെ കാത്തു നില്പൂ ഞാന്‍ അവന്കായ്

ചെമ്പരതിയെങ്ങിലും സുന്ധരനല്ലേ ഞാന്‍

വരുകില്ലേ നിങ്ങള്‍ ...ചൂടില്ലേ എന്നെ ....

"കണ്ണുനീര്‍ തുള്ളി"...

എന്‍ കൂടെ ജനിച്ച എന്‍ കൂട്ടുകാരി

അറിയുന്നു ഞാന്‍ എന്നും നിന്റെ മൂല്യം ...

അതിര് വിട്ട സന്തോഷത്തിലും

അതിരില്ലാത്ത ദുഖത്തിലും

ഓര്മകള്‍ ഉരുണ്ട് കൂടും എക്കാന്തതയിലും

നീ സ്വാന്തനതിന്‍ മഴയായ്‌ പെയ്തിറങ്ങും നേരം

ശാന്തമായ്‌ ഒഴുകും തെളിനീര്‍ അരുവി പോലെ

എന്‍ മനം തെളിയുന്നു പ്രിയ കൂട്ട്കാരി...

"കണ്ണുനീര്‍ തുള്ളി"യായ്‌ എന്‍ നയനത്തില്‍ നീ ഉള്ള കാലം

മനസ്സിന്‍റെ ഭാരം വര്‍ദ്ധിക്കില്ല ഒരിക്കലും ...