മാണൂര്‍ കുന്നുംപുറം ഗ്രാമവാസികളെ ഞെട്ടിച്ചു കൊണ്ടാണ് ആ വാര്‍ത്ത പരന്നത്.രാജീവ്‌ സീമയെ ഒഴിവാക്കാന്‍ തീരുമാനിച്ചു. കാട്ടുതീ പോലെ ആ വാര്‍ത്ത കുന്നുംപുറത്ത് വ്യാപിക്കാന്‍ തുടങ്ങി .കേട്ടവര്‍ക്കാര്‍ക്കും വിശ്വസിക്കാന്‍ കഴിഞ്ഞില്ല .
വിദ്യാസമ്പനാണ് രാജീവ്‌ .ഗള്‍ഫില്‍ഉയര്‍ന്ന ജോലി .രണ്ടുമാസത്തെ ലീവില്‍ നാട്ടില്‍ വന്നു .വീട്ടുകാര്‍ മുമ്പേ കണ്ടു ഇഷ്ട്ടപെട്ട കുട്ടിയെ വേറെ ഒന്നും ആലോചിക്കാതെയാണ് അവന്‍ കെട്ടിയത് .ആലോചിക്കേണ്ട കാര്യമില്ല .സീമ അത്രയ്ക്ക് സുന്ദരിയാണ് .വിദ്യാസമ്പന്നയും .അവളുടെ വിടര്‍ന്ന കണ്ണുകളും നീണ്ട കാര്‍കൂന്തലും നുണകുഴി വിരിയും പുഞ്ചിരിയും ആരുടേയും മനസ്സ് ഇളക്കി പോകും .
ഇത്ര ഗംഭീരമായ ഒരു കല്യാണം ഈ നാട്ടില്‍ ഇത് വരെ ഉണ്ടായിട്ടില്ല .വിഭവ സമര്‍ധമായ സദ്യയുടെ രുചി നാവില്‍ നിന്നും വിട്ടു പോയിട്ടില്ല .വെറും ഒരു മാസത്തെ വിവാഹജീവിതം ..അതിന്നിടയില്‍ എന്താണ് സംഭവിച്ചത് .അവരെ തകര്‍ത്ത ദാമ്പത്യ രഹസ്യം എന്തായിരിക്കും..കണ്ടവര്‍ കണ്ടവര്‍ പരസ്പ്പരം ചോദിച്ചു .
ഹസ്സന്ക്കയുടെയും ദാമോധരേട്ടന്റെയും ചായ കടകള്‍ സംവാദവേദികള്‍ ആയി മാറി ..സീമയുടെ ദയനീയ അവസ്ഥ പൊടിപ്പും തെങ്ങലും വെച്ച് കട്ടന്‍ ചായക്ക് രുചി കൂട്ടി .ഒരു ഭാഗത്ത്‌ രാജീവനെ അനുകൂലിക്കാനും ആളുകള്‍ ഉണ്ടായി .
രാജീവിന്റെയും സീമയുടെയും ദാമ്പത്യം തകര്‍ത്ത ആ രഹസ്യത്തിന്‍റെ ചുരുള്‍ നിവര്‍ത്തുന്നതില്‍ അവസാനം പാപ്പരാസികള്‍ വിജയം കണ്ടെത്തി .പാപരാസികളുടെ യുവ നേതാക്കള്‍ ഫിറോസ് ദാമോധരെട്ടന്റെ കടയിലും വിനോദ് ഹസ്സന്ക്കയുടെ കടയിലും താങ്കള്‍ക്ക് കിട്ടിയ വിവരം വളരെ അഭിമാനപുരസരം വീശി എറിഞ്ഞു .
"" സീമ . ഫെസ്ബൂക്കിലെ മാദകറാണിയാണ് ..അവളോട്‌ കൂട്ടുകൂടാന്‍ ,അവളോട്‌ ചാറ്റിംഗ് നടത്താന്‍ ,അവളുടെ സ്റ്റാറ്റസ്സിന്നു മറുപടിയിടാന്‍ പൂവാല കൂട്ടം കാത്തു നില്‍ക്കുന്നു .അവളുടെ വാളില്‍ പോസ്റ്റിംഗ് മത്സരമാണ് നടക്കുന്നത് .അവള്‍ക്കു വരുന്ന കമാന്റുകള്‍ 350 ന്നു മുകളില്‍ ആണ് .""
കട്ടന്‍ചായയും ദിനേശ്‌ ബീഡിയും വലിച്ചു വെടി പറഞ്ഞിരിക്കുന്ന ജോസഫെട്ടന്നും കൂട്ടര്‍ക്കും ഒന്നും മനസ്സിലായില്ല .നാരായേട്ടന്നും മമ്മദ്ക്കയും പരസ്പ്പരം മുഖത്തേക്ക് നോക്കി .
"" എടാ ഹംക്കേ ഒന്ന് തെളിയിച്ചു പറ ..മ്മക്ക് ഒന്നും മനസ്സിലായില്ല .മമ്മദ്ക്കക്ക് ഇരിക്ക പൊറുതി കിട്ടിയില്ല ""
"" അത് നിങ്ങള്ക്ക് പറഞ്ഞാല്‍ മനസ്സിലാവില്ല . ഇത് അറിയനമെങ്ങില്‍ കമ്പ്യൂടര്‍ അറിയണം ..അതിലെ ഫേസ്ബുക്കില്‍ ആണ് ഈ രഹസ്യം കിടക്കുന്നത്"".
.വിനോദു നാരയനെട്ടനെയും മമ്മദ്ക്കയെയും നോക്കി പറഞ്ഞു .
"" ഡാ ..സിനിമ പോസ്ട്ടിലോക്കെ കാണുന്ന മാദകറാണി ശക്കീലയുടെയും മറിയയുടെയും പോലെ ആണോ..""
ജോസഫെട്ടന്റെ സംശയം .
അങ്ങനെയും പറയാം ...വിനോദു ആ പാവം വൃദ്ധന്മാരുടെ ചിന്താമണ്ഡലത്തിലെക്ക് തീ കൊടുത്തു ..
"" ഇന്ന ബരീം .നമ്മക്ക് ക്ലബ്ബില്‍ പോകാം ..ഇജ്ജ്‌ ആ കുന്ത്രാണ്ടം തൊറന്നു നമ്മക്കൊന്നു കാണിച്ചാ .നമ്മളും ഒന്ന് കാണട്ടെ ..""
മമ്മദ്ക്ക പെട്ടന്ന് കാരന്നോര്‍ ആയി .
"" അത് ശരിയാ ..അവള്‍ അങ്ങനെ ചെയ്യാന്‍ പാടുണ്ടോ .അങ്ങനെ മാദകറാണിയായി അവള്‍ നടക്കണ്ട ""
മമ്മദ്ക്കയും ജോസഫെട്ടന്നും നാരായേട്ടനും ചാടി എഴുന്നേറ്റു .
അവര്‍ നേരെ കുന്നുംപുറം ഗ്രീന്‍ വില്ല ക്ലബ്ബിലേക്ക് നടന്നു ..
"" ഇതെന്ത ഇവിടെ ഇത്ര ആള്‍ കൂട്ടം ."" ക്ലബ്ബിനു മുന്നിലെ തിക്കും തിരക്കും കണ്ടു നാരയനേട്ടന്‍ ജോസ്സഫെട്ടനെ നോക്കി .
അതാണ്‌ കുന്നുംപുറം CID കളുടെ പവര്‍ ..വിനോദു മനസ്സില്‍ ചിരിച്ചു .
ഫിറോസ് തന്റെ ലാപ്ടോപ്പ് തുറന്നു . ഫേസ് ബുക്ക്‌ ഓണാക്കി . സീമ എന്ന് ടൈപ്പ് ചെയ്തു സെര്‍ച്ച് അടിച്ചു ..അതാ വരുന്നു പലതരം സീമകള്‍ .അവന്‍ ഏതോ ഒന്നില്‍ നെക്കി .പുറത്തു തിക്കും തിരക്കും .വൃദ്ധന്മാരുടെ കൂടെ പീക്കിരി പയ്യന്മാരും തിരക്ക് കൂട്ടി .
ആരും തിരക്ക് കൂട്ടരുത് .ആദ്യം നാട്ടിലെ കാരണവന്മാര്‍ ..പിന്നെ യുവാക്കള്‍ .പിന്നെ കുട്ടികള്‍ ..അങ്ങനെ കാണുന്നതാണ് ഉചിതം .എന്നാലേ ഇത് ശരിക്കും കാണാം പറ്റുകയുള്ളൂ .
നാട്ടിലെ കാരണവന്മാര്‍ ചാടി മുന്നില്‍ കയറി .ജോസഫെട്ടന്നും ,മമ്മദ്ക്കയും നാരായെട്ടന്നും മുന്നില്‍ തന്നെ ഇടം പിടിച്ചു .വിനോദു ഡോര്‍ അടച്ചു .
പുഞ്ചിരിച്ചു നില്‍ക്കുന്ന സീമയുടെ ചിത്രത്തില്‍ മാത്രമാണ് എല്ലാവരുടെയുമ കണ്ണുകള്‍ .
ഫിറോസ് വിവരിക്കുകയാണ് .
" ഇത് കണ്ടാല്‍ ഏതൊരു ആളും സീമയെ ഒഴിവാക്കും . 5000 ത്തില്‍ അധികം ഫ്രണ്ട്സ് ."
"" ഓ ഫേസ്ബുക്കില്‍ കൂടുതല്‍ ഫ്രെണ്ട്സ് ഉണ്ടെന്നു കരുതി ഒരാളെ ഒഴിവാക്കാന്‍ പറ്റുമോ ..എന്റെ മകനും മകളും എല്ലാം ഫെസുബൂക്കില്‍ ഉണ്ട് .""
പിന്നിലെ വരിയില്‍ നിന്നും തോമസ് മാഷുടെ അപിപ്രയം ..
മാഷേ അത് മാത്രമല്ല ..നിങ്ങള്‍ ഈ കമാന്റുകള്‍ ഒന്ന് വായിച്ചു നോക്ക് .ഇതിലെ അശ്ലീലം എങ്ങനെ ഒരു നല്ല ഭര്‍ത്താവിനു ഉള്‍ക്കൊള്ളാന്‍ കഴിയും .ഇനി ഈ ചിത്രങ്ങള്‍ കൂടി ഒന്ന് നോക്ക്
ഫിറോസ് ചിത്രങ്ങള്‍ അവര്‍ക്ക് മുമ്പില്‍ തുറന്നു വെച്ചു ,അര്‍ദ്ധ നഗ്നയായി നില്‍ക്കുന്ന സീമയുടെ വെത്യസ്ത ചിത്രങ്ങള്‍ .കുളി സീന്‍ വരെ ഉണ്ട് ..
നാരായേട്ടന്റെയും മമ്മദ്ക്കയുടെയും വായില്‍ കപ്പലോട്ടാന്‍ പാകത്തിന് വെള്ളം കിനിയുന്നു .
" ഓള് ബയങ്ങരി തന്നെ "
" ഡാ ഇങ്ങനെ പെട്ടന്ന് മാറ്റല്ലേ .എനിക്കൊരു സംശയം "
വിനയേട്ടന്റെ ശബ്ദം ..
എന്താ വിനയാ .അനയ്ക്ക് കണ്ടു മതി വന്നില്ലേ .ഇക്കും മതി വന്നില്ല .മമ്മദ്ക്കായുടെ കമാന്റു .
"" തമാശ് വിട് മമ്മദ്ക്ക .നോക്ക് എല്ലാ ഫോട്ടോയിലും ചിരിച്ചു നില്‍ക്കുന്ന ഒരേ മുഖമാണ് ..ഉടല്ലിന്നു മാത്രേമേ .വെത്യാസമുള്ളു ..ഇത് ഫോട്ടോ ഷോപ്പാന്നു .""
"" അതെ വിനയേട്ട ..ഇത് ഫോട്ടോ ഷോപ്പ്‌ ചെയ്തതാ ..ഇത് പലതും സിനിമാ നടിമാരുടെ ശരീരമാ ..തല മാത്രമേ സീമയുടെതായി ഉള്ളൂ .ആരോ അവരുടെ ഫോട്ടോ വെച്ചു ഫൈക് ഐടി ഉണ്ടാക്കിയതാ .""
വിനോദി വിനയേട്ടനോട് യോജിച്ചു .
"" തോമസ് മാഷേ നിങ്ങളും വിനയെട്ടനും രാമന്‍ വക്കീലും ചെന്ന് രാജീവനെ കാര്യം പറഞ്ഞു മനസ്സിലാപ്പിക്കണം .ഇത് വെറും ചീറ്റിംഗ് ആണ് ..പാവം സീമ ഇതൊന്നും അറിഞ്ഞിട്ടു പോലും ഉണ്ടാകിലാ . അവളുടെ കൂട്ടുകാരോ കൂട്ടുകാരികാളോ ആകാം ഇതിനു പിന്നില്‍ .അവരെ പിടിക്കാന്‍ നമുക്ക് സൈബര്‍ സെല്ലില്‍ പരാതി കൊടുക്കാവുന്നതാണ് . ഇത് നമുക്ക് തന്നെ ബ്ലോക്ക് ചെയ്യാന്‍ കഴിയും .""
ഇത് പോലെ ഒരുപാട്കോളേജു കുട്ടികളുടെയും വീട്ടമ്മമാരുടെയും തലയ്ക്കു താഴെ ആരുടെ ഒക്കെയോ നഗ്ന മേനിയാ ..ഇത് തൊണ്ണൂറു ശതമാനവും ചീറ്റിംഗാ ..നമ്മുടെ ഫാമിലി ഫോട്ടോകളും മറ്റും പുറത്തു പോകുന്നത് ശ്രദ്ധിക്കുക .മോര്‍ഫിങ്ങും ഫോട്ടോ ഷോപ്പും ഇന്ന് എല്ലാവര്‍ക്കും അറിയാം ....സ്വയം ശ്രദ്ധിക്കുക ..അത്ര തന്നെ .
ഫിരോസ്സി പറഞ്ഞു നിര്‍ത്തി.. ..വിനയേട്ടന്‍ തോമസ്സ് മാഷേ നോക്കി. എന്നാ മാഷേ നമുക്ക് രാജീവന്റെ വീട് വരെ പോയി വരാം ..
പക്ഷെ തോമസ് മാഷ്‌ തന്റെ വീട്ടിലെ ലാപ്ടോപ്പില്‍ ആണ് ..തന്റെ മകളുടെ തലയ്ക്കു താഴെ ഒന്ന് സംഭവിക്കരുതേ ...
No comments:
Post a Comment